Late-Night Bus – Nordspëtzt
Fir Läit sécher an d’Nuetsliewen an nees heem ze brengen gett et d’Late Night Busser. Am städtischen Raum (ronderem d’Stad, am Minette) sin et Nightlife Liniebusser déi am Prinzip ëmmer nom nämmlichten Horaire fueren (Feiler op der Kaart). Dess Busser sin direkt vun deene jeweilegen Gemengen organiséiert.
D’Organisatioun vun de Late Night Busser am ländleche Raum (Regiounen Atert, Mëllerdall, Nordspetzt, Nordstad) ass vill méi opwendig well ëmmer aaner Baler op aanere Plaazen ugefuer gin.
Am Mee 2001 huet d’Denkfabrik Nordstad zesummen mat Jugendklipp a Gemengen aus der Regioun Dikrech-Ettelbréck ugefaangen Late Night Busser am ländliche Raum anzesetzen. Ab 2004 ass de Modell Nordstad an aaneren ländlichen Regiounen mat Erfolleg ausprobéiert gin. No an no guff dat ganzt bal flächendeckend. Am Norden huet seit Januar 2006 den extra dofir gegrendten Verein „Late Night Bus Norden asbl“ d’Koordinatioun fir Nordspëtzt, Nordstad an Atert iwwerholl.
Ab Januar 2019 gouf aus der „Late Night Bus Norden asbl.“ dunn déi aktuell „Late Night bus Atert, Mëllerdall, Nordspëtzt a Nordstad asbl.“ (ofgekierzt: Late Night Bus asbl. oder LNB asbl.) déi sech ab deem Moment och em d’Organisatioun vun de Late Night Busser an der Bus-Regioun Mëllerdall kemmert, an dest an enker Zesummenarbecht mam „Naturpark Mëllerdall“.
D’Late Night Busser gin haaptsächlich vun de Gemengen finanzéiert (deelweis iwert de Wee vun Gemengesyndikater zB. „De Réidener Kanton“, „Naturpark Mëllerdall“) mat seit 2005 bis zu 50% Subside vum Transportministär. Derniewt hëllefen verschidden Sponsoren a Partner.
Délégué pour la commune de Winseler: M. Aly Stelmes
